28 октября было: Празднование Иконы Божией Матери "Спорительница хлебов" Написана по благословению старца Амвросия Оптиной Пустыни, человека, который оказал огромное влияние на духовную жизнь всей России XIX века.
С Праздником иконы "Спорительница Хлебов"
Радуйся Питающая нас Словом Жизни
Радуйся трапезо Пресвятая Хлеб Жизни Носившая
Молитва иконе Пресвятой Богородице, именуемая "Спорительница хлебов"
Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго благоустроительнице, труждающихся благословение, нуждающихся неистощимое богатство, сирых и вдовиц и всех людей кормительнице и питательнице, рождшая Питателя Вселенныя и Спорительнице хлебов наших! Ты, Владычице, низпосылаеши Твое Матернее благословение градом нашим, селам и нивам, и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая домостроительнице, житие наше добре устрояющая. Всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: Хлеб наш насущный даждь нам днесь. Сохрани, Пречистая Мати, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей, домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно и во веки веков. Аминь.
Тропарь, глас 3:
О, Пречистая Дево Марие, Мати Царя небесе и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению, Спорительнице сущи хлебов им, избавляя их всякия нужды и утеснения и устрояя им, рабом Твоим сущим, избавление вечныя муки и жизнь вечную.
Кондак, глас 6:
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя. Величание Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
